პროექტის დეტალები
კავკასუს საენს ენჯინიერინგის გუნდი (CSE) საქართველოს რეგიონული განვითარებისა და ინფრასტრუქტურის სამინისტროს მიერი მოწვეულ იქნა რიონის მდინარის ხიდის გეოტექნიკური და ჰიდროგეოლოგიური კვლევების ჩასატარებლად, რომელიც მდებარეობს E60 სამტრედია–გრიგოლეთის ავტომაგისტრალის მონაკვეთზე. ეს 792-მეტრიანი ორმაგი ხიდი წარმოადგენს საქართველოს აღმოსავლეთ–დასავლეთის სატრანსპორტო დერეფნის უმნიშვნელოვანეს ნაწილს, თუმცა 2023 წლის მარტში მისი ერთი ბურჯის ჩამონგრევამ ნათლად წარმოაჩინა კრიტიკული სტრუქტურული და საძირკვლის პრობლემები, რომლებიც მოითხოვდა სასწრაფო სამეცნიერო და საინჟინრო ჩარევას. ჩვენმა გუნდმა განახორციელა ყოვლისმომცველი კვლევითი პროგრამა, რომელიც მოიცავდა გეოლოგიურ ბურღვით სამუშაოებს, ნიადაგისა და მიწისქვეშა წყლების ტესტირებას, გეოფიზიკურ კვლევებს, უპილოტო საფრენი აპარატებით (UAV) გადაღებებს და სტრუქტურულ შეფასებებს. კვლევებმა გამოავლინა რთული მიწისქვეშა პირობები, არტეზიული წყლების წნევები და ბურჯების სხვადასხვა ხარისხის მდგომარეობა. მიღებული მონაცემების საფუძველზე CSE-მ შეიმუშავა დეტალური გეოლოგიურ-გეოტექნიკური მოდელი, განსაზღვრა ღრმა საძირკვლების საპროექტო პარამეტრები და გასცა რეკომენდაციები ბურჯების ტესტირების, მიწისქვეშა წყლების მონიტორინგისა და სარეკონსტრუქციო სტრატეგიების შესახებ. პროექტი ნათლად აჩვენებს CSE-ს შესაძლებლობას, სწრაფად და უმაღლეს დონეზე უზრუნველყოს კრიტიკული ინფრასტრუქტურის აღდგენითი სამუშაოებისათვის საჭირო მონაცემების შეგროვება და დამუშავება. თანამედროვე საველე მეთოდებისა და ღრმა ანალიზის კომბინაციით ჩვენ შევუწყეთ ხელი გადაწყვეტილებების მიღებას საქართველოს ერთ-ერთი უმნიშვნელოვანესი გზატკეცილისთვის, რათა უზრუნვყოფილი იყოს უფრო უსაფრთხო და მდგრადი კავშირი თბილისსა და შავი ზღვის სანაპიროს შორის.
